Njarðvík með öruggan sigur á Stjörnunni
Njarðvíkingar höfðu undirtökin nánast allan leikinn þegar liðið lagði Stjörnuna að velli í Dominos-deildinni í körfuknattleik í gær og var tíu stiga sigur liðsins 91-81 afar sannfærandi.
Terrel Vinson átti stórleik fyrir Njarðvíkinga og skoraði 38 stig, Logi Gunnarsson skoraði 18 stig og átti 8 stoðsendingar að auki, Vilhjálmur Theodór Jónsson og Oddur Rúnar Kristjánsson skoruðu 9 stig hvor.