HS Orka og LNS Saga undirrita verksamning um lagningu útrásarpípu

Undirritaður hefur verið verksamningur milli HS Orku og verktakafyrirtækisins LNS Saga um lagningu útrásarpípu fyrir sjávarlögn frá Svartsengi.

Verkið felst í að leggja um 140 m langa DN 600 plasthúðaða stálpípu frá útlofunarbrunni á sjávarkambi í gegnum stórgrýtisfjöru og á haf út. Útrásin er við Arfadalsvík vestan við Grindavík. Endi útrásarpípunnar mun ná 20 m út fyrir meðalstórstraumsfjöru.  Gerður verður skurður í klöppina sem pípan er steypt í og fest niður í með bergteinum.

Verkið verður unnið nú í sumar og eru áætluð verklok í september. Taka þarf mið af veðri og sjávarföllum við framkvæmd verksins.

Ásgeir Margeirsson forstjóri HS Orku og Ásgeir Loftsson forstjóri LNS Saga eftr að samningar höfðu verið undirritaðir – Mynd: HS Orka.