Jepplingakaup Magnúsar vekja athygli
![Screenshot_20240221_110419_Chrome](https://i1.wp.com/www.sudurnes.net/wp-content/uploads/2024/02/Screenshot_20240221_110419_Chrome.jpg?resize=620%2C264)
Það er óhætt að segja að jepplingakaup Magnúsar Sverris Þorsteinssonar, forstjóra bílaleigunnar Blue Car Rental, hafi vakið athygli, eða í það minnsta frétt Smartlands Morgunblaðsins þar um, en frétt um kaupin er sú mest lesna á vef mbl.is, þegar þetta er skrifað, og skákar meðal annars fréttum af nýrnagjöf föður til dóttur, golfbílamáli handboltakappans fyrrverandi Sigga Sveins og falli sönggyðjunnar Madonnu á sviði, svo eitthvað sé nefnt.
Jepplingurinn sem um ræðir er heldur ekki af verri gerðinni, Mercedes-Benz AMG G 63-bifreið, kolsvartur að lit og mattur, samkvæmt frétt Smartlands. Hann er á svörtum felgum og með svörtum rúðum, auk þess eru allar merkingar utandyra á bílnum svartar.
![](https://i0.wp.com/www.sudurnes.net/wp-content/uploads/2024/02/Screenshot_20240221_120943_Chrome.jpg?fit=1024%2C510)
Slíkur bíll kostar um það bil 60 milljónir króna en það fer þó eftir útbúnaði, segir einnig í fréttinni.
![](https://i2.wp.com/www.sudurnes.net/wp-content/uploads/2024/02/Screenshot_20240221_110513_Chrome.jpg?fit=853%2C1024)
Myndir: Skjáskot heimasíða Benz og vefur mbl.is.