Umsókn Samherja um byggingarleyfi hafnað
Skipulagsnefnd Grindavíkurbæjar hefur hafnað umsókn Samherja um byggingarleyfi fyrir seiðahús við Laxeldisstöðina Stað vestan Grindavíkur.
Fram kemur í fundargerð skipulagsnefndar að byggingin, sem er alls 2.743,1 fermetrar að stærð, fari að hluta út fyrir byggingarreit, eða 250 fermetrar.
Skipulagsnefnd beinir því til umsækjanda að senda inn tillögu að breyttu deiliskipulagi til nefndarinnar, segir í fundargerðinni.