Klósettið á sinn alþjóðlega dag! – Árna Árna er ekkert óviðkomandi

Það má með sanni segja að það er ekkert heilagt í þessu á tímum samfélags- og fjölmiðla, fólk tjáir sig um allt á netinu. Ungur maður tjáði sig í vikunni á pressan.is og deildi með þjóðinni þegar hann hringdi og pantaði tíma hjá eftirlætisklámmyndaleikkonunni sinni og gleðikonu í Bretlandi. Síðan flaug hann á vit ævintýranna með kamagra töflu til að herða á félaganum fyrir átökin. Hann lýsir þessu með þeim hætti að núna veit amma hans og mamma að hann rakaði á sér óæðri endan og rörið að framan og að Hvalfjarðagöngin á gleðikonunni voru einnig eins og ný slegið tún á fallegum sumardegi. Fyrir herlegheitin borgaði hann 60.000 þúsund íslenskar og 30 pund fyrir tafir þar sem hann var örugglega með WOW air því fluginu seinkaði út. Er það virkilega nauðsynlegt að deila þessum upplýsingum með þjóðinni? Þetta þykir bara ekkert tiltökumál, bara eins og hluta á RÚV um færð á vegum og er væta í kortunum framundan. Ég veit ekki hvort ég væri til í að fjölskyldan mín læsi á netmiðlum ýtarlega frásögn af mínu kynlífi, þetta er eitthvað sem ég vil halda útaf fyrir mig alla vega, en ég er viss um að einhverjir kveiktu sér í sígó eftir lesturinn.

Fjölmiðjar hafa mikið fjallað um einhvern sem eyddi nótt með Deltu White

Sum bæjarfélög eru þekkt fyrir rokk og ról eins og Keflavík, önnur fyrir körfubolta eins og Njarðvík og framvegis, enda misjafnt í hverju næst árangur. EN Vopnafjörður er þekktur fyrir að kubba. Já liðið Drekarnir sigruðu lego-klubbakeppni í Háskólabíó á dögunum. Þar sem ég veit að föstudagspistillinn er víðlesið skemmtiefni á Vopnafirði þá verð ég nú bara að gera grín af þessu. Krakkarnir á Vopnafirði eru bestir að kubba í myrkvi, enda rafmagn tekið af sveitinni fljótlega eftir kvöldmat og þá sitja krakkagreyin og kubba í myrkvinu. Kubbarnir þykja hin besta afþreying og árlega eru sendar dágóðar birðir niður í djúpu dimmu firðina rétt áður en allir fjallvegir lokast. Krakkarnir sitja svo og kubba á meðan fullorðnir finna sér aðra afþreyingu í myrkvuðum herbergjum sveitarinnar. Bið að heilsa í fjörðinn fagra.

Alltaf missir maður af fjörinu ! Rússneskur balletdansari setti víst allt á annan endan í Hörpu um síðustu helgi. Rússneski balletdanshópurinn sýndi þar Svanavatnið, nema hvað að hólkur dansarans stal athyglinni. Nokkrir með hólk undir meðallagi sáu sig knúna að röfla yfir þessu. Ég hélt að allir sem færu á ballet vissu að búningarnir eru nú ekki víðir. Þetta er nú frekar þannig að maður hefur spáð í því hvers vegna í andskotanum er verið að troða aumingja dönsurunum í þennan teygjusmokk. Svo er aftur spurning hvort það eigi að setja viðmið þegar karlmenn byrja að iðka ballet, „nei því miður þú getur ekki orðið balletdansari, það er alltof stórt undir þér vinur.“

Árni Árna

„Við kunnum þetta, við höfum verið í þessu í sextíu ár“ segir í skrítnustu auglýsingunni sem rúllar í sjónvarpinu um þessar mundir. Já Íbúðalánasjóður er að auglýsa og segist kunna þetta – ég veit ekki betur en þessi sjóður hafi kostað okkur tugi milljarða upp á síðkastið, situr á tómum fasteignum á meðan skortur er á leiguhúsnæði. Sorry með mig en ég vel þessa auglýsingu þá kjánalegustu á árinu 2015.

Ég er ekki alveg viss um að Elsa Lund og Eiríkur Fjalar séu réttu einstaklingarnir til að fá unglinga til að nota smokka. Nýr tölvuleiur sem á að hvetja unglinga til að rúlla honum í regngallann fyrir kynlíf er kominn út. Þjóðþekktir einstaklinga ljá leiknum rödd sína og að hlusta á Elsu Lund segja að það er ókeypist að fara í heimsókn til húð og kyn er bara soldið fyndið. Við eigum vist Evrópumet í klamedíu, sem er kannski ekki beint met sem við viljum hreykja okkur af, en núna ætlum við að eignast evrópumet í smokkaklæddum unglingum.

Borgin ætlar að stefna ríkinu eftir að innanríkisráðherra hafnaði beiðni um lokun neyðarflugbrautar í Vatnsmýrinni. Borgarstjóri gaf út framkvæmdaleyfi áður en Rögnunefndin skilaði áliti sínu og er svo gapandi hissa núna að einhver embættismaður sé að fara eftir heilbrigðu verklagi í málinu. Gapandi hitta að örlög sjúkraflugs í landinu sé ekki bara á höndum meirihlutans í borgarstjórn Reykjavíkur.Ég tek ofan fyrir innanríkisráðherra í þessu máli – Ég er hræddur um að Vatnsmýrin verði opið moldarbarð um árabil þar sem ekki næst að klára og selja þessi rándýru húsnæði, er endalaust til af íslendingum sem geta keypt íbúðir á 50 –100 milljónir, get ekki séð það fram á það.

Ég veit ekki hvort þíð trúið því að ég hitti einstakling í vikunni sem horfir á 19 þátta seríu um Spaugstofuna sem er 30 ára um þessar mundir. Ef þetta kallast eki að blóðmjólka eldgamalt sjónvarpsefni þá veit ég ekki hvað. Ég komst einnig í uppnám þegar sami einstaklingur sagði mér frá hópi fólks út á landi sem kemur saman einu sinni á ári í búningum og horfir á áramótaskaupið 1985. Hann var svekktur að hafa misst af hitting nördanna þetta árið en ætlar að leggja land undir fót á næsta ári með fjölskylduna til að taka þátt. Er ekki hægt að fá eitthvað við þessu ? Spáið í því ef RÚV dustaði rykið af þáttunum „Á líðandi stundu“ með ‚Ómari Ragnars og Agnesi Bragadóttur ? Já eða „Á tali með Hemma Gunn“ með fulltri virðingu fyrir Hemma heitnum. Sumt má bara hvíla í friði.

Það er ýmislegt sem fer ofan í klósett landsins

Alþjóðlegi dagur klósettsins var í vikunni og að því tilefni voru fráveitur borgarinnar í fókus. Við borgarbúar borgum aukalega fyrir bláu tunnuna til að flokka og vera umhverfisvæn, en erum samt að láta ótrúlegustu hluti flakka niður um klósettið. Þar má nefna þetta venjulega, dömubindi, smokka, eyrnapinna, en við erum líka að henda föslku gómunum (örugglega óvart í ælupest) símtækjum og kreditkortum. Já kredit kortum, hvað er maður að fjækjast með þau í höndunum á sama tíma og þarfirnar eru gerðar á salernum? Þá er steikingarfeiti í miklu mæli í kerfum okkar og á það til að stífla allt draslið og þá fer allt í skít. Ég er viss um að Svandís Svavars og fleiri í VG eiga svona lítið dirty leyndarmál, sturta niður einhverju óumhverfisvænu í von um að umræðan um umhverfisvernd fái byr undir báða vængi – læsa sig inn á salerni og láti einhvern viðbjóð gossa – allt fyrir málstaðinn.

Góða helgi – setjið nú upp jólaljósin um helgina, stóðuð ykkur ekki vel í því um þá síðustu