Silfur í boðsundi – Þrír Suðurnesjamenn í sveitinni
Íslenska sveitin í 4×200 metra skriðsundi karla vann til silfurverðlauna á Smáþjóðaleikunum, sem fram fara í San Marínó um þessar mundir. Þrír sundmenn af Suðurnesjum eru í sveitinni.
Karlarnir syntu á tímanum 7:46,34 mínútum. Sveitina skipuðu Suðurnesjamennirnir Davíð Hildiberg Aðalsteinsson, Kristófer Sigurðsson og Þröstur Bjarnason auk Arons Arnar Stefánssonar.