Byrjað að bólusetja á Suðurnesjum
![FB_IMG_1609254518912](https://i2.wp.com/www.sudurnes.net/wp-content/uploads/2020/12/FB_IMG_1609254518912.jpg?resize=620%2C264)
Það var sannarlega fagnað á HSS í dag þar sem bólusetning fyrir COVID-19 hófst. Efnin komu um hádegisbil, en hjúkrunarfræðingar tóku svo til við að blanda þau eftir kúnstarinnar reglum.
Skammtarnir sem fengust í þetta fyrsta skipti munu nægja til að bólusetja framlínufólk HSS og vistfólk á Nesvöllum, Hlévangi og Víðihlíð í dag.
Kristín Sigurmundsdóttir, hjúkrunarfræðingur á Slysa- og bráðamóttöku, varð þess heiðurs aðnjótandi að þiggja fyrsta skammtinn.
Næsta sending bóluefnis ætti að berast til landsins um miðjan janúar og verður þá haldið áfram að bólusetja fólk í áhættuhópum.