Umferð um Suðurstrandaveg nær fimmfaldast
![sudurstrandarvegur](https://i0.wp.com/www.sudurnes.net/wp-content/uploads/2016/02/sudurstrandarvegur.jpg?resize=620%2C264)
Umferð um Suðurstrandarveg jókst um 484% allt frá því að gosið hófst í Geldingadölum og til 15. apríl. Þetta kemur fram í samantekt Vegagerðarinnar um umferðartölur.
Á vef Vegagerðarinnar segir að á sama tíma hafi umferð aukist um 21 af hundraði á Reykjanesbraut og 73% um Grindavíkurveg. Suðurstrandarvegur var lokaður þegar gosið hófst en umferð var hleypt um hann að nýju 23. mars.
Mest umferð var um veginn 2. apríl þegar 4.300 óku veginn.