Fasteignaverð í Reykjanesbæ hækkar hraðar en í Reykjavík
Fasteignaverð í Reykjanesbæ hefur hækkað mun meira en í Reykjavík á þessu ári. Fermetraverð á eignum er þó mun hærra í Reykjavík en í Reykjanesbæ, eða um 430 þúsund krónur í Rekjavík á móti um 270 þúsund krónum í Reykjanesbæ.
Þetta kemur fram í Hagsjá hagfræðideildar Landsbankans. Rýnt var í gögn Þjóðskrár til þess að bera saman hækkanir milli borgar og stærri bæja. Sé litið á breytinguna frá 2. ársfjórðungi 2016 til sama tíma 2017 hækkaði meðalverð í Reykjavík um 23% á meðan það hækkaði um 48% í Reykjanesbæ.