Stefna á að byggja yfir 400 íbúðir í næsta áfanga Hlíðarhverfis
![hlidarhverfi](https://i0.wp.com/www.sudurnes.net/wp-content/uploads/2019/12/hlidarhverfi.jpg?resize=620%2C264)
Miðland ehf., sem er alfarið í eigu Byggingarfélags Gunnars og Gylfa, BYGG, áætlar að byggja 408 íbúðir á bilinu 55-150 fermetrar að stærð í nýjum áfanga Hlíðarhverfis. Félagið hefur þegar byggt upp fyrsta áfanga hverfisins.
Drög að deiliskipulagi svæðisins voru kynnt Umhvefis- og skipulagsráði Reykjanesbæjar á dögunum og tók ráðið vel í hugmyndir fyrirtækisins, en tillögurnar gera meðal annars ráð fyrir að nýr 900 fermetra leikskóli verði byggður innan hverfisins. Þá er lögð áhersla á að gangandi og hjólandi vegfarendur séu í forgangi fyrir bílum. Hannað verður fjölbreytt útivistarsvæði fyrir fólk á öllum aldri og áhersla lögð á aðgengi fyrir alla og algilda hönnun í almenningsrýmum.