Ósk um stækkun hótels hafnað eftir andmæli nágranna
![Screenshot_20230620-112747_Samsung Notes](https://i2.wp.com/www.sudurnes.net/wp-content/uploads/2023/06/Screenshot_20230620-112747_Samsung-Notes.jpg?resize=620%2C264)
Ósk um stækkun á hóteli við Hafnargötu 57 í Reykjanesbæ hefur verið hafnað af umhverfis- og skipulagsráði. Stefnt var að stækkun um 30 herbergi á tveimur hæðum ásamt stigahúsi og tengibyggingu.
Málið var rætt á fundi ráðsins þann 16. júní síðastliðinn, en þar kom fram að andmæli hafi komið frá íbúum í nágrenni hótelsins við grenndarkynningu, en andmælt var meðal annars mikilli uppbyggingu í stuttri fjarlægð við aðliggjandi hús við Framnesveg með líklegri innsýn, skuggavarpi og mögulegum sambruna.
Umhverfis- og skipulagsráð tók undir andmæli íbúa á fundinum og hafnaði umræddri deiliskipulagsbreytingu.