Nýjast á Local Suðurnes

Rannveig og Anna leiða Hugleiðsluhádegi alla mánudaga í vetur

Alla mánudaga í vetur frá klukkan 12:15 – 12:30 verður boðið upp á Hugleiðsluhádegi í Bókasafni Reykjanesbæjar. Hugleiðsluhádegin fara fram á neðri hæð safnsins í vinnuherbergi sem nefnist Búrið. Þátttakendur þurfa ekkert að taka með sér en pullur og stólar verða á staðnum.

Tímarnir verða ýmist leiddir af Rannveigu Lilju Garðarsdóttur eða Önnu Margréti Ólafsdóttur sem báðar eru menntaðir jógakennarar.

Ávinningur hugleiðslu er mikill en sannað þykir að hugleiðsla geti meðal annars:

  • dregið úr stressi
  • dregið úr verkjum
  • aukið hamingjutilfinningu
  • dregið úr þunglyndi
  • aukið samkennd
  • aukið einbeitingu og úthald
  • bætt minni

Tímarnir eru öllum að kostnaðarlausu og það þarf ekki að taka langan tíma til að kyrra hugann og næra hann með orku fyrir daginn. Allir hjartanlega velkomnir