Tveir fluttir á Landspítala eftir vinnuslys
![vinna](https://i0.wp.com/www.sudurnes.net/wp-content/uploads/2015/12/construction-worker-495373_1280.jpg?resize=620%2C264)
Tvö vinnuslys urðu um síðastliðna helgi í umdæmi lögreglunnar á Suðurnesjum. Maður féll aftur fyrir sig úr stiga utan á vinnulyftu á Keflavíkurflugvelli og lenti á steyptu flughlaðinu. Hann var fluttur með sjúkrabifreið á bráðamóttöku Landspítalans í Fossvogi og Vinnueftirlitinu gert viðvart um óhappið.
Í hinu tilvikinu var maður að fara úr bát sem lá við bryggju í Grindavíkurhöfn en skrikaði fótur og datt á bryggjuna. Hann var fluttur á Landspítalann í Fossvogi og reyndist vera með brotna mjaðmarkúlu.