Tvö umferðaróhöpp á Reykjanesbraut
Tvö umferðaróhöpp urðu á Reykjanesbraut nánast á sama tíma og sama stað um klukkan 18 í gær til móts við Grænás.
Samkvæmt upplýsingum frá lögreglu var um aftanákeyrslur að ræða í báðum tilfellum. Lögregla og sjúkralið voru kölluð til í báðum tilvikum en ekki urðu slys á fólki. Fjarlægja þurfti bifreiðar af vettvangi með dráttarbílum.