Fluttur alvarlega slasaður á sjúkrahús í Reykjavík eftir árekstur á Reykjanesbraut
Einn var fluttur alvarlega slasaður á sjúkrahús til Reykjavíkur eftir árekstur tveggja bíla við Rósaselstorg, skammt frá flugstöð Leifs Eiríkssonar um hádegisbilið. Þá voru tveir voru fluttir á heilsugæsluna í Keflavík vegna minniháttar meiðsla, hefur mbl.is eftir lögreglunni í Reykjanesbæ.
Þegar verið var að flytja þann slasaða til Reykjavíkur lenti lögregla á bifhjóli, sem var að fylgja sjúkrabíl í forgangsakstri, í árekstri við bíl á Reykjanesbraut til móts við kirkjugarðinn í Hafnarfirði. Lögreglumaðurinn og ökumaður fólksbílsins voru fluttir á sjúkrahús.