Nýjasta Airbus A350-1000 lenti á Keflavíkurflugvelli – Sjáðu myndirnar!
![Airbus A350-1000](https://i0.wp.com/www.sudurnes.net/wp-content/uploads/2017/10/Untitled-design-35.png?resize=620%2C264)
Nýjasta flugvélin í flota Airbus, A350-1000, lenti á Keflavíkurflugvelli í gær, stoppið var stutt, en tekið var eldsneyti á vélina og henni flogið áfram vestur um haf. Aðeins hafa verið framleiddar þrjár vélar af þessari tegund, en þær eru í tilraunaflugi víða um heim um þessar mundir.
Airbus A350-1000, sem knúin er af Rolls-Royce Trent XWB vélum hefur 14.800 km. flugdrægni, vélin er 74 metra löng og getur tekið 369 farþega, en til samanburðar hafa Boeing 757-200 flugvélar Icelandair 7.222 km flugdrægni og eru 47 metra langar, eins og sjá má í samanburðartöflu hér fyrir neðan.