Bláa lónið opnar á ný fyrir gesti
Bláa lónið opnar fyrir gestum á morgun. Þetta kemur fram í tilkynningu frá fyrirtækinu.
Í tilkynningunni kemur fram að ákvörðunin hafi verið tekin í samstarfi við yfirvöld. Fyrirtækið segir að tryggt verði áframhaldandi öryggi og að sérfræðingar fylgjast náið með svæðinu.
Veitingastaðirnir Lava og Moss og heilsulindir lónsins verða opnuð á nýjan leik. Þá verður einnig hægt að gista á hótelum fyrirtækisins; Silica og Retreat.
Í tilkynningunni kemur einnig fram að gestir þurfi að fara aðra leið til að komast að lóninu vegna truflana á aðkomuvegi lónsins.