Björn Axel er genginn til liðs við Njarðvíkinga
![njarðvík fotbolti björn axel](https://i2.wp.com/www.sudurnes.net/wp-content/uploads/2015/07/njarðvík-fotbolti-björn-axel.jpg?resize=600%2C264)
Njarðvíkingar hafa fengið liðstyrk í baráttunni í annari deildinni í knattspyrnu því Björn Axel Guðjónsson markahæsti leikmaður liðsins á síðasta tímabili er gengin á ný til liðs við Njarðvík frá Gróttu.
Björn Axel lék með Njarðvíkingum árið 2014 og varð markahæsti leikmaður liðsins það tímabil, hann skipti yfir í Gróttu í vetur en náði ekki að festa sig í sessi hjá uppeldisfélaginu.
Björn Axel staldrar þó stutt við hjá Njarðvíkingum því hann er á leið til Ameríku í nám um næstu mánaðarmót en ætti að vera liðtækur í næstu þrjá leiki með liðinu.