Ríkiskaup sjá um útboð á byggingu nýrrar slökkvistöðvar
![slökkvilið](https://i0.wp.com/www.sudurnes.net/wp-content/uploads/2015/07/slökkvilið.jpg?resize=620%2C264)
Bygging nýrrar slökkvistöðvar Brunavarna Suðurnesja, sem fyrirhugað er að reisa að Flugvöllum 29 í Reykjanesbæ verður boðin út á næstunni í samstarfi við Ríkiskaup.
Umræður um framkvæmd fyrirhugaðs útboðs sköpuðust á stjórnarfundi Brunavarna Suðurnesja á dögunum, en þar var framkvæmd útboðsins rædd. Rætt var hvort rétt væri að bjóða verkið út í heild eða í nokkrum hlutum, og var ákvörðun tekin um að bjóða allt verkið út. Þá kom fram á fundinum að hönnunarvinna hafi tafist, en að nú sjái fyrir endan á henni.