Aukin skjálftavirkni í Geldingadölum
![20210727_205159](https://i0.wp.com/www.sudurnes.net/wp-content/uploads/2021/07/20210727_205159.jpg?resize=620%2C264)
Skjálftavirkni hefur aukist töluvert í Geldingadölum frá því í gærkvöldi, en 1-10 skjálftar ríða yfir á mínútu hverri, samkvæmt mælingum veðurstofu. Sá stærsti sem hefur mælst hingað til var um 4,9 að stærð samkvæmt skjálftakorti á heimasíðu Veðurstofunnar.
Í tilkynningu frá Veðurstofunni segir að hún hafi breytt fluglitakóða í appelsínugulan vegna skjálftahrinunnar.
RÚV hefur eftir Böðvari Sveinssyni, náttúruvársérfræðingi hjá Veðurstofunni, að virknin hafi aukist mikið í nótt og minnti á að kvikusöfnun sé enn í gangi við gosstöðvarnar.