Undir 50 í sóttkví á Suðurnesjum
Ekkert nýtt smit kórónuveirunnar greindist hér á landi síðasta sólarhringinn samkvæmt vef Almannavarna og landlæknis, covid.is. Ekkert smit hefur greinst á Suðurnesjum í á annan mánuð.
Þeim sem eru í sóttkví á Suðurnesjum hefur fækkað jafnt og þétt, en nú sæta 49 manns sóttkví á svæðinu. Á landsvísu fjölgar um níu á milli daga og eru 812 talsins í sóttkví sem stendur, en 21.469 hafa lokið sóttkví.