Kæstar kræsingar og mikið stuð á þorrablóti Lionsklúbbs Njarðvíkur
![þorrabl lions1](https://i0.wp.com/www.sudurnes.net/wp-content/uploads/2017/02/þorrabl-lions1.jpg?resize=620%2C264)
Fjölmennt var á hinu árlega þorrablóti Lionsklúbbs Njarðvíkur sem fram fór síðustu helgi, en alls mættu um 110 manns á blótið sem þóttist takast einstaklega vel.
Njarðvíkingurinn Örvar Þór Kristjánsson sá um veislustjórn og var Sigurður H. Ólafsson ræðumaður kvöldsins. Á dagskrá var meðal annars happdrætti og uppboð á treyju knattspyrnumannsins Arnórs Ingva Traustasonar sem hann lék í með Rapid Wien. Kæstar kræsingar voru bornar fram af Magga í Réttinum sem þóttu bragðast vel og þá hélt trúbadorinn Kaleb Joshua uppi stuðinu fram á nóttu..