Grindavík þokast nær Pepsí-deildinni eftir sigur á Keflavík
![grindavik-knattspyrna](https://i2.wp.com/www.sudurnes.net/wp-content/uploads/2015/06/grindavik-knattspyrna.jpg?resize=620%2C264)
Grindavík vann gríðarlega mikilvægan 1-0 sigur á grönnum sínum úr Keflavík í Inkasso-deildinni á Grindavíkurvelli í kvöld. Liðið er í öðru sæti deildarinnar, 31 stig, sex stigum meira en Keflavík sem er í þriðja sætinu eftir leiki kvöldsins.
Fyrri hálfleikur var markalaus, en eina mark leiksins skoraði Gunnar Þorsteinsson á 70. mínútu með fallegu skoti í bláhornið, eftir sendingu frá Josiel Alves De Oliveira. Keflvíkingar létu markið fara í skapið á sér og létu ákvarðanir dómara leiksins fara í taugarnar á sér og uppskar nýr leikmaður Keflvíkinga, Mark McAusland meðal annars gult spald fyrir kjaftbrúk.