Njarðvíkingar skelltu í afmælisveislu fyrir einn dyggasta stuðningsmanninn
![Lára Ingim Njardv korfub](https://i2.wp.com/www.sudurnes.net/wp-content/uploads/2016/10/Untitled-design-27.png?resize=620%2C264)
Körfuknattleiksdeild Njarðvíkur hefur sýnt það undanfarin misseri að þar á bæ hugsa menn vel leikmenn sína og stuðningsmenn, og á því varð engin breyting þegar einn dyggasti stuðningsmaður liðsins í gegnum árin, Lára Ingimundadóttir fagnaði 45 ára afmæli sínu.
Láru var afhentur flottur blómvöndur fyrir leik liðsins gegn Stjörnunni á dögunum, í tilefni dagsins, en auk þess að vera einn öflugasti stuðningsmaður liðsins, hefur Lára unnið við nánast hvern einasta heimaleik liðsins undanfarin ár. Í leikhléi var svo blásið til heljarinnar afmælisveislu Láru til heiðurs, þar sem boðið var uppá flott bakkelsi og að sjálfsögðu köku skreytta í Njarðvíkurlitunum.