Rúnar til reynslu hjá Sirius
Rúnar Þór Sigurgeirsson, leikmaður Keflavíkur í knattspyrnu er þessa dagana til reynslu hjá sænska úrvalsdeildarliðinu Sirius.
Rúnar, sem er 21 árs gamall vinstri bakvörður eða kantmaður, var í stóru hlutverki hjá Keflavík þegar liðið vann 1. deildina á síðasta tímabili og var í hópi 21-árs landsliðsins í haust.
Í tilkynningu frá Keflavík kemur fram að Rúnar muni æfa með sænska liðinu í tíu daga og spila einn æfingaleik.