Landhelgisgæslan nýtti æfingaflug til að leita að Birnu meðfram Reykjanesbraut
![TF-LIF landhelgis](https://i1.wp.com/www.sudurnes.net/wp-content/uploads/2015/09/TF-LIF-landhelgis.jpg?resize=620%2C264)
Fyrr í dag fór þyrlan TF-GNA í reglubundið æfingaflug yfir Reykjanesskaga. Vegna leitarinnar að Birnu Brjánsdóttur flaug þyrlan meðfram Reykjanesbraut frá Straumsvík að Kúagerði og aftur til baka til að kanna hvort nokkrar vísbendingar væri að finna á því svæði. Þetta kemur fram á Facebook-síðu Landhelgisgæslu Íslands.
Þar kemur einnig fram að önnur þyrla Landhelgisgæslunnar, TF-LÍF, muni fara til leitar að stúlkunni um leið og færi gefst, en þyrlan er upptekin vegna umferðarslyss í Öræfum.