Flestir starfsmenn United Silicon búsettir í Reykjanesbæ – Hafa greitt laun á réttum tíma
Rúmlega 40 starfsmenn kísilvers United Silicon í Helguvík eru skráðir í Verkalýðs- og Sjómannafélag Keflavíkur og nágrennis, en heildarfjöldi starfsmanna kísilversins er í kringum 85.
Flestir starfsmennirnir eru útlendingar og búsettir í Reykjanesbæ, en að sögn Kristjáns Gunnarssonar, formanns verkalýðsfélagsins, hefur fyrirtækið ekki flutt starfsfólk sérstaklega inn til landsins heldur ráðið útlendinga sem hér hafa búið og starfað, meðal annars í öðrum málmvinnslum.
Þá segir Kristján að laun í kísilverinu séu yfir lágmarkslaunum og að fyrirtækið hafi greitt þau á réttum tíma hingað til.