Laun hjá USi mun hærri en þingmaður fullyrðir – Versla við fjölmörg fyrirtæki í Reykjanesbæ

Verksmiðja Stakksbergs í Helguvík

“Meðallaun hjá fyr­ir­tæk­inu eru 650 þúsund krón­ur í mars­mánuði eða um 200 þúsund krón­um hærri en þingmaður­inn [innsk. blm.: Ásmundur Friðriksson] full­yrðir að greidd séu hjá fyr­ir­tæk­inu,“ seg­ir í yf­ir­lýs­ingu frá United Silicon. Þá segir í yfirlýsingu fyrirtækisins að hafi hag íbúa á svæðinu að leiðarljósi meða annars með því að versla við fjölmörg fyrirtæki í Reykjanesbæ.

Yfirlýsingin, sem birt er á vef mbl.is kemur í kjölfar ummæla Ásmundar varðandi launakjör starfsmanna fyrirtækisins, en þingmaðurinn fullyrti við upphaf þingfundar í gær að fyrirtækið greiddi starfsmönnum sínum umtalsvert lægri laun en gert væri í sambærilegum störfum s.s. í álverum.

„Hjá United Silicon hf. starfa í dag 65 manns auk þess sem keypt er þjón­usta af fjöl­mörg­um fyr­ir­tækj­um víða í Reykja­nes­bæ. Við telj­um það ekki rétta lýs­ingu á störf­um alls þessa fólks þegar þingmaður­inn seg­ir fyr­ir­tækið hvorki vinna fyr­ir né með sam­fé­lag­inu í Reykja­nes­bæ.“ Segir í yfirlýsingunni.