Stjarnan fór létt með lánlausa Grindvíkinga

Stjarn­an lagði Grinda­vík í 5. um­ferð Dom­in­os-deild­ar karla í körfuknatt­leik í Ásgarði í gærkvöld, Grindvíkingar skoruðu aðeins 64 stig í leiknum gegn 87 stigum Stjörnunnar. Grindvíkingar léku án bandaríkjamannsins Eric Julian Wise sem tók út leikbann.

Liðin skip­ust á að hafa for­ystu í fyrsta leikhluta og allt stefndi í spenn­andi leik, en raunin átti eftir að verða önnur. Í öðrum leik­hluta tóku Stjörnumenn öll völd ´s vellinum og Grindvíkingar skoruðu aðeins 8 stig í þess­um leikhluta – Staðan í hálfleik 48-30.

Grindvíkingar fundu ekki fjölina, hvorki í þriðja né fjórða leikhluta og sigur Stjörnunnar var auðveldur, lokatölur eins og áður sagði 87-64.

Ómar Sæv­ars­son, Jó­hann Árni og Þor­leif­ur Ólafs­syn­ir voru einu Grind­vík­ing­arn­ir sem sem eitthvað gátu í þessum leik og skoruðu þeir félagarnir 38 af 64 stigum Grindavíkurliðsins sem situr í fjórða sæti deildarinnar eftir fimm umferðir.