Ekki til aur fyrir heimtaug
![ia-keflavik fotbolti](https://i0.wp.com/www.sudurnes.net/wp-content/uploads/2015/06/ia-keflavik-fotbolti.jpg?resize=620%2C264)
Beiðni knattspyrnudeildar Keflavíkur um að láta leggja heimtaug að knattspyrnuvellinum við Hringbraut var tekin fyrir á fundi íþrótta- og tómstundaráðs á dögunum, en knattspyrnudeildin leitast eftir að geta notað upphitunarkerfi sem lagt var undir völlinn árið 2010 og hefur aldrei virkað sem skyldi.
Kostnaðaráætlun sem að skrifstofa íþrótta- og tómstundamála hefur kallað eftir gerir ráð fyrir að kostnaðurinn sé um 5.000.000 krónur.
Ráðið er meðvitað um að tímabilið í knattspyrnu er sífellt að lengjast í báða enda og besti kosturinn er að hafa upphitun ef að við myndum lenda í mjög köldum vetri. Ráðið hefur á hinn bóginn ekki fjármagn á fjárhagsáætlun 2021 og þessi framkvæmd er ekki inni í fjárhagsramma fyrir árið 2022, segir í fundargerð.
Íþrótta- og tómstundaráð vill leggja áherslu á að HS Orku völlurinn hefur alltaf verið með bestu grasvöllum landsins og ÍT vill koma sérstökum þökkum til þeirra starfsmanna sem hafa haldið utan um þau mál fyrir ráðið á undanförnum árum.