Stöðvaður með stinningarlyf og steratöflur
![keflavíkurflugvöllur - flugst](https://i2.wp.com/www.sudurnes.net/wp-content/uploads/2015/06/keflavíkurflugvöllur.jpg?resize=620%2C264)
Tollverðir haldlögðu nýverið mikið magn stera sem karlmaður reyndi að smygla inn í landið í ferðatösku. Í tilkynningu frá Tollstjóra kemur fram að um hafi verið að ræða nær 20.000 steratöflur, ambúlur og stinningarlyfið Kamagra.
Maðurinn hafði dvalið í Taílandi og var að koma með flugi frá Kaupmannahöfn þegar hann var stöðvaður í Flugstöð Leifs Eiríkssonar. Tollstjóri kærði málið til lögreglunnar á Suðurnesjum sem fer með rannsókn þess. Rannsókninni miðar vel og er hún á lokastigi.