Nauðsynlega vantar að bæta samgöngur
![capacent_ungmennarad reykjanesb](https://i2.wp.com/www.sudurnes.net/wp-content/uploads/2019/01/capacent_ungmennarad-reykjanesb.jpg?resize=620%2C264)
Fulltrúar frá Capacent hafa á undanförnum vikum og mánuðum hitt fulltrúa íbúa, starfsfólks, nefnda og ráða fyrir undirbúning stefnumótunar Reykjanesbæjar. Ungmennaráð Reykjanesbæjar hélt í höfuðstöðvar fyrirtækisins rétt fyrir jól til þess að fara í viðtal við starfsfólk. Fyrir fundinum lágu margvíslegar spurningar m.a. hverjir eru helstu styrk- og veikleikar og hvað mætti helst breytast í Reykjanesbæ.
Það kom fram í máli fulltrúar ungmennaráðsins að þeir eru mjög ánægðir með flest allt í bæjarfélaginu og
nefndu sérstaklega grunnskólana, félagslífið og íþróttastarfið. Það sem þeim fannst nauðsynlega vantar er að bæta samgöngur og mikil þörf er fyrir tómstundamiðstöð þar sem boðið væri upp á að geta farið í keilu og að skauta, ásamt fleiri skemmtilegri afþreyingu.
Að fundi loknum var einmitt farið í keilu og ráðinu var boðið upp á Pizzu í Egilshöllinni.