Nesfisktogara siglt til hafnar vegna gruns um smit

Frystitogaranum Baldvini Njálssyni GK 400, sem gerður er út af Nesfiski, var siglt til hafnar í gærkvöldi eftir að vart varð við COVID-einkenni hjá einum skipverjanna.

Í frétt RÚV kemur fram að skipverjinn hafi fengið hita og sýnt einkenni sem bentu til COVID-19 veikinda. Skipverjinn fór í einangrun þangað til skipið kom að bryggju í Hafnarfirði í morgun og fór þá beint í sýnatöku og beðið er niðurstöðu úr henni.