Óskilorðsbundið fangelsi fyrir humarþjófnað
![grill humar](https://i1.wp.com/www.sudurnes.net/wp-content/uploads/2015/06/grill-humar.jpg?resize=620%2C264)
Karlmaður á þrítugsaldri var í Héraðsdómi Reykjaness fyrir viku dæmdur í fimm mánaða óskilorðsbundið fangelsi fyrir þjófnaðar- og fíkniefnalagabrot. Maðurinn braust meðal annars, í félagi við annan mann, inn í frystigám Humarsölunnar ehf. og hafði þaðan á brott 434 kg. af humri.
Mennirnir tveir tóku aðeins humar með sér en létu hnossgæti á borð við þorskhnakka, risarækju og hörpudisk vera. Verðmæti humarsins var áætlað 1,7 milljónir króna en 63 kg. af honum fundust við húsleit á heimili hans.