Öruggur sigur kom Grindavík á topp Inkasso-deildarinnar
![grindavik fotbolti](https://i0.wp.com/www.sudurnes.net/wp-content/uploads/2015/06/grindavik-fotbolti1.jpg?resize=620%2C264)
Grindavík kom sér á topp Inkasso-deildarinnar í knattspyrnu með öruggum 3-0 sigri á Leikni á heimavelli þeirra síðarnefndu í kvöld.
Fyrri hálfleikur var markalaus og þó Grindvíkingar væru sterkari aðilinn áttu Leiknismenn sín færi. Grindvíkingar byrjuðu síðari hálfleik af krafti, skoruðu tvö mörk á fimm mínútna kafla, fyrst Alexander Veigar Þórarinsson á 47. mínútu og svo Óli Baldur Bjarnason á 52. mínútu. Grindvíkingar gulltryggðu svo sigurinn þegar William Daniels skoraði þriðja mark liðsins á 77. mínútu.