Glæsimörk þegar Grindvíkingar lyftu sér upp í þriðja sætið

Grinda­vík lyft­i sér upp í þriðja sæti Pepsídeildarinnar, eftir 2-2 jafntefli gegn KR á Grindavíkurvelli í dag. Það kann þó að vera skammgóður vermir, því FH-ingar eiga þrjá leiki til góða á Grindvíkinga, en einu stigi munar á liðunum.

Það voru KR-ingar sem komust yfir í leiknum, en Andri Rún­ar Bjarna­son, marka­hæsti leikmaður deild­ar­inn­ar, skoraði jöfnunarmark Grindvíkinga og var það í glæsilegri kantinum, með þrumu­skoti utan tegs sem hafnaði í þverslá og inn.

William Daniels skoraði seinna mark Grindvíkinga og kom þeim yfir á 75. mínútu, en hann þrumaði knettinum einnig í þverslánna og inn, en af styttra færi. KR-ingar jöfnuðu metin um fimm mínútum síðar og þar við sat.

Andri Rúnar hefur nú gert 15 mörk í 17 leikjum Grindvíkinga í deildinni í sumar.