Reynir vann KFS í markaleik
![reynir sandgerdi fotbolti](https://i1.wp.com/www.sudurnes.net/wp-content/uploads/2015/06/reynir-sandgerdi-fotbolti.jpg?resize=620%2C264)
Reynir Sandgerði tók á móti KFS í 3ju deildinni í knattspyrnu í gær. Liðin buðu upp á stórskemmtilegan leik þar sem sjö mörk litu dagsins ljós.
Reynismenn komust í 3-0 í fyrri hálfleik en KFS menn með markamaskínuna Tryggva Guðmundsson í framlínunni náðu að minnka muninn í 3-2 um miðjan síðari hálfleik, en það voru svo Reynismenn sem skoruðu síðustu tvö mörk leiksins og höfðu sigur 5-2.
Reynismenn eru nú í 3ja sæti 3ju deildarinnar.