KFR tók Víði í kennslustund í fótbolta – Reynir með sigur á Kára
![reynir sandgerdi fotbolti](https://i1.wp.com/www.sudurnes.net/wp-content/uploads/2015/06/reynir-sandgerdi-fotbolti.jpg?resize=620%2C264)
Víðismenn voru teknir í kennslustund í knattspyrnu í kvöld, þegar liðið mætti KFR á Hvolfsvelli. 6-1 urðu lokatölur leiksins, en lið KFR hafði náð að skora fjögur mörk gegn engu fyrir leikhlé.
Fyrir leikinn höfðu Víðismenn aðeins tapað einum leik í deildinni, en lið KFR er í fallbaráttu. Víðismenn eru þó enn í öðru sæti deildarinnar, þremur stigum á eftir Tindastól.
Reynismenn skutust upp í fjórða sæti deildarinnar, en liðið lagði Kára að velli í kvöld með tveimur mörkum gegn einu, eftir að hafa lent undir snemma leiks. Bergþór Ingi og Róbert Freyr tryggðu Reynismönnum stigin þrjú með mörkum í síðari hálfleik.