Frummatsskýrsla metanólverksmiðju til umfjöllunar hjá Skipulagsstofnun
![CRI Carbon](https://i1.wp.com/www.sudurnes.net/wp-content/uploads/2016/12/carbon.jpg?resize=620%2C264)
Carbon Recycling International hefur tilkynnt til umfjöllunar Skipulagsstofnunar, frummatsskýrslu um metanólverksmiðju í Svartsengi, Grindavík.
Tillaga að ofangreindri framkvæmd og skýrsla um mat á umhverfisáhrifum hennar liggur frammi til kynningar frá 10. desember 2016 til 23. janúar 2017 á eftirtöldum stöðum: Á bókasafni Grindavíkur, í Þjóðarbókhlöðunni og hjá Skipulagsstofnun.
Frummatsskýrslan er einnig aðgengileg á heimasíðu stofnunarinnar: http://www.skipulag.is
Allir hafa rétt á að kynna sér framkvæmdina og leggja fram athugasemdir. Athugasemdir skulu vera skriflegar og berast eigi síðar en 23. janúar 2017 til Skipulagsstofnunar bréfleiðis eða með tölvupósti á skipulag@skipulag.is.
Kínverska fjárfestingafélagið Geely Group lagði á síðasta ári 45,5 milljónir bandaríkjadala, jafnvirði 6 milljarða íslenskra króna, til hlutafjáraukningar í Carbon Recycling International, en fyrirtækið er stærsta fjárfestingasamstæða í Kína sem fjárfestir í bílaframleiðendum. Geely er meðal annars eigandi Volvo og London Taxi Company auk þess sem fyrirtækið framleiðir bíla undir eigin merkjum sem eru seldir í 35 löndum víðsvegar um heim.