Bonneau líklega á leið til Danmerkur – Samningslaus í innan við sólarhring
![bonneau](https://i1.wp.com/www.sudurnes.net/wp-content/uploads/2015/10/bonneau.jpg?resize=620%2C264)
Stefan Bonneau, fyrrverandi leikmaður Njarðvíkur í körfuknattleik mun að öllum líkindum ganga til liðs við Svendborg Rabbits í Danmörku. Þetta kemur fram á vefsíðunni Karfan.is.
Njarðvíkingar vildu sem kunnugt er ekki framlengja samning sinn við Bonneau af tveimur ástæðum; þeim vantaði nauðsynlega hærri leikmann auk þess sem þeir töldu launakröfur leikmannsins óraunhæfar og rann samningurinn því út í gær.
Karfan.is hefur þó ekki fengið félagaskiptin staðfest, en ef rétt reynist var kappinn án samnings í innan við sólarhring.