Bonneau stigahæstur í fyrsta leik sínum með Svendborg
Stefan Bonneau átti fínan dag þegar Svendborg Rabbits lögðu Stevnsgade SuperMen að velli, 98-73, í dönsku úrvalsdeildinni í körfuknattleik í gær.
Þetta var fyrsti leikur Bonneau fyrir Svendborg, eftir að hann yfirgaf Njarðvík, og varð hann stigahæstur með 16 stig. Bonneau var með flotta skotnýtingu, en hann skoraði meðal annars þrjár þriggja stiga körfur í fjórum tilraunum.