Hundruð hylltu landsliðið við Reykjanesbraut – Ánægðir með móttökurnar
Þjálfarar landsliðsins í knattspyrnu, þeir Lars Lagerback og Heimir Hallgrímsson auk fyrirliðans, Arons Einars Gunnarssonar voru ánægðir með móttökurnar sem liðið fékk við komuna til landsins.
Allir þrír höfðu orð á því í viðtali við sjónvarpsmenn Skjás Sports að frábært hafi verið að sjá mannfjöldann sem safnaðist saman við Reykjanesbrautina, en nokkur hundruð manns mættu við veginn, frá Keflavíkurflugvelli að Fitjum og hyllti landsliðið þegar því var ekið til Reykjavíkur nú um klukkan sjö í dag.