Fyrirtæki loka snemma í dag – Bankar og tryggingafyrirtæki skella í lás klukkan 15.30
Leikur Íslands og Austurríkis um sæti í 16 liða úrslitum Evrópukeppninnar í knattspyrnu hefst, eins og allir ættu að vita, klukkan 16 í dag og virðast flestir ætla að vera tilbúnir við skjáinn á þeim tíma. Fjölmörg fyrirtæki ætla að gefa starfsmönnum færi á að fylgjast með íslenska landsliðinu spila þennan mikilvægasta leik í sögu landsliðsins og munu loka snemma í dag eða klukkan 15.30.
Útibúum Íslandsbanka og Landsbanka verður lokað klukkan 15:30 í dag og sömu sögu er að segja af tryggingafélögunum, VÍS, Sjóvá, TM og Vörður skella í lás og fleiri fyrirtæki bætast í hópinn með hverri mínútu sem líður.