Öruggur sigur hjá Keflavík á heimavelli
Keflavík vann öruggan sigur á Selfossi, 3-0 en leikið var á Nettóvellinum í Keflavík. Magnús Þórir Matthíasson kom Keflavík yfir á 16. mínútu og Sigurbergur Elísson tvöfaldaði forystu heimamanna þremur mínútum síðar. Jónas Guðni Sævarsson kórónaði sigur Keflvíkinga á 59. mínútu, öruggur 3-0 sigur Keflvíkinga í höfn, en þeir gerðu jafntefli gegn HK í fyrstu umferðinni og eru því með 4 stig.