Fíkniefnaleitarhundurinn Clarissa situr ekki auðum loppum
![clarissa logguhundur](https://i0.wp.com/www.sudurnes.net/wp-content/uploads/2015/08/clarissa-logguhundur.jpg?resize=620%2C264)
Fíkniefnaleitarhundur Lögreglustjórans á Suðurnesjum, Clarissa kemur víða við í hinum margvíslegustu verkefnum bæði fyrir embættið á Suðurnesjum og eins fyrir önnur lögregluembætti.
Clarissa tók þátt í 91 leit á árinu 2014 samkvæmt ársskýrslu Lögreglustjórans á Suðurnesjum, þar af voru 34 húsleitir, 22 bílaleitir og 8 sinnum var leitað á fólki.
Clarissa fór í 14 verkefni fyrir önnur umdæmi og má nefna sem dæmi að á árinu héldu hún og umsjónarkona hennar á hátíðina Grundarfjarðardagar á Grundarfirði. Þar var starfað með fjórum héraðs-lögreglumönnum ásamt einum lögreglumanni til viðbótar og þótti verkefnið ganga vel.