Stormur og slæm færð á morgun
Veðurstofa Íslands vekur athygli á mjög slæmri veðurspá fyrir morgundaginn, þar sem gert er ráð fyrir austanstormi víða um land um miðjan dag. Færð verður mjög slæm og ekkert ferðaveður, segir á vef Veðurstofnnar.
í athugasemd frá veðurfræðingi, segir að þar sem saman fara vindur og hiti undir frostmarki ásamt lausum snjó megi gera ráð fyrir miklum skafrenningi og þá mun snjóa að auki.
Spáin fyrir allt landið samkvæmt vef Veðurstofunnar er eftirfarandi:
Norðlæg átt, 5-13 m/s og víða él, en snjómugga um tíma SV-til, en lægir og rofar til í kvöld. Vaxandi austanátt í nótt, 15-25 og snjókoma eða skafrenningur um hádegi, hvassast við SV-ströndina. Mun hægari SV-átt og úrkomuminna S- og V-lands annað kvöld. Búist er við mikilli snjókomu og skafrenningi á höfðuborgarsvæðinu á morgun. Frost víða 1 til 8 stig, en hlánar við S-ströndina á morgun.