Um 1600 skjálftar við Grindavík – Sá stærsti minnkaði við yfirferð
![grindavik](https://i1.wp.com/www.sudurnes.net/wp-content/uploads/2016/08/grindavik.jpg?resize=620%2C264)
Margir íbúar á Suðurnesjum, höfuðborgarsvæðinu og víðar fundu fyrir stærsta skjálftanum í jarðskjálftahrinu sem hófst við Grindavík þann 12. mars síðastliðinn. Skjálftinn mældist í upphafi mældist 5,2, en við yfirferð og endurmat kom í ljós að hann var töluvert minni.
Um 1600 jarðskjálftar mældust svæðinu í kringum Grindavík á tímabilinu frá 9. – 15. mars, en búið er að fara yfir um helminginn. Stærsti skjálftinn í hrinunni var metin 5,2 að stærð en við endurmat fékk hann stærðina 4,6. Skjálftinn fannst víða um suðvestanvert landið. Stærstu eftirskjálftar voru 3,4 og 3,3, sama dag.