Silja Dögg áfram á þingi – “Lofa að gera mitt allra besta á komandi árum”
![silja dogg2](https://i1.wp.com/www.sudurnes.net/wp-content/uploads/2016/11/silja-dogg2.jpg?resize=620%2C264)
Silja Dögg Gunnarsdóttir, alþingismaður, mun sitja áfram á þingi fyrir Framsóknarflokkinn í Suðurkjördæmi, en flokkurinn fékk 19,1% greiddra atkvæða í kjördæminu og náði tveimur mönnum inn, en flokkurinn var með fjóra þingmenn úr kjördæminu á síðasta kjörtímabili.
Silja Dögg greinir frá því á Facebook að hún sé stolt af því að fá að gegna hlutverkinu áfram og sest á þing að nýju með það að markmiði að gera samfélagið enn betra en það er í dag.