Nýjast á Local Suðurnes

Nóg að gera hjá fíknó – Veski sem innihélt kókaín og stinningarlyf fannst utan dyra

Lögreglunni á Suðurnesjum barst í vikunni tilkynning þess efnis að veski sem innihéldi poka með meintu kókaíni hefði fundist utan dyra í Keflavík.  Í því var einnig pakkning af kamagrageli.

Skilríki voru í veskinu en þegar lögregla ræddi við eiganda þess þvertók hann fyrir að  hafa haft vitneskju um fíkniefnin eða að neyta fíkniefna yfir höfuð. Hann samþykkti að undurgangast synatökur á lögreglustöð og var niðurstaða þeirra jákvæð á neyslu kókaíns.

Þá fann lögregla um 20 grömm af kannabisefnum hjá húsráðanda einum við hefðbundið eftirlit með fíkniefnum í umdæminu.

Enn fremur framvísaði farþegi í bifreið, sem stöðvuð var við eftirlit, kannabisefni sem viðkomandi var með á sér.