Lýsa yfir óvissustigi vegna jarðskjálftahrinu
Ríkislögreglustjóri hefur í samráði við lögreglustjórann á Suðurnesjum lýst yfir óvissustigi almannavarna vegna jarðskjálftahrinu á Reykjanesskaga. Þetta kemur fram í tilkynningu frá Almannavörnum.
„Jarðskjálftahrina hófst uppúr hádegi í dag 30. júlí og er enn í gangi. Veðurstofa Íslands hefur sett Krýsuvík á gult vegna flugumferðar en mesta virknin er NA við Fagradalsfjall,“ segir í tilkynningunni.
Almannavarnir hvetja íbúa til þess að huga að lausa- og innanstokksmunum sem geta fallið við jarðskjálfta og huga sérstaklega að því að ekki geta fallið lausamunir á fólk í svefni.